Get Adobe Flash player

اسان شيعه دوست ڊاٽ ڪام طرفان ماهه رمضان المبار ڪ الله پاڪ جي رحمتن، برڪتن ۽ مغفرتن ڀرئي مهيني جي آمد تي تمام مسلمان ڀائرن،شيعيان حيدرڪرار ۽ محبان اهل بيت عليهم السلام جي خدمت ۾ مبارڪباد پيش ڪريون ٿا

ڪالهه يمن مٿان سعودي عرب پاران ٿيل حملن کانپوءِ  وچ اوڀر ۾ سندس اصل چهري تا نقاب هٽي چڪو آهي ڇاڪاڻ ته 60 سيڪڙو شيعا آباديءَ تي مشتمل هن ملڪ ۾ 50 سال اڳ تائين جڏهن اتي زيدي شيعن جي حڪومت کي ڪيرائي نام نهاد حڪومت کي مسلط ڪيو ويو ته عملي طور اتي سعودي حڪومت ئي هئي جنهن جو اتي قبضو هئو .

چاليهه سال ملڪ تي مسلط ڊڪٽيٽر علي عبدالله صالح به سعودي وارن جو رکيل نوڪر ئي هئو جنهن بغير ڪنهن ٻئي جي حڪومت تي قابض رهيو.

يارنهن سيپٽمبر واري واقعي کانپوءِ دنيا مٿان حڪومت جو خواب کڻي اسلامي ملڪن تي ڪاهه ڪندڙ امريڪا جڏهن نئين وچ اوڀر ٺاهڻ جو اعلان ڪيو ته ان جو مقصد به اهو هئو ته وچ اوڀر جي سڀني ملڪن جو استقلال ڪري ان کي پنهنجي ئي ڪنهن نوڪر جهڙوڪ سعودي کي اتان جو ٺيڪيدار بڻائي جيڪو علائقي ۾ امريڪي مفادن جو تحفظ ڪرڻ سان گڏ اسرائيل جو غلام ٿي گذاري ۽ ائين پوري وچ اوڀر ۾ امريڪا بنا ڪنهن شريڪ جي حاڪم ۽ اتان جي هر سياه ۽ سفيد مالڪ بڻجي وڃي ۽ اتي موجود ڪاري سون ذريعي پوري دنيا کي پنهنجو غلام بڻائي سگهي ۽ دنيا جون ٻيون طاقتون جهڙوڪ چين ۽ روس به سندس اڳيان ڪنڌ کڻي سگهن.

اهڙي قسم جو هدف حاصل ڪرڻ لاءِ پهريان افغانستان ۽ پوءِ عراق تي ٿيل سڌي حملي ۾ شڪست کائي پسپا ٿيندڙن امريڪي جنرل ۽ ڳجهين ايجنسين اهو سبق حاصل ڪيو ته جيڪڏهن اسلامي دنيا کي شڪست ڏيڻ ممڪن آهي ته اهو نا امني ،گهرو ويڙهه ۽ فرقه واريت جي باهه ذريعي ممڪن آهي .

اتي عرب بهار يا عرب اسپرنگ نالي نئون نقشو سامهون آندو ويو جنهن ذريعي پهريان مصر ۽ پوءِ ليبيا،تيونس، شام،عراق،يمن ۽ لبنان ۾مختلف روپن ۾ سامهون آندو ويو ليڪن اهي ملڪ جيڪي اڳ ئي آمريڪي غلاميءَ جو ڳٺ پايون ويٺا هئا جهڙوڪ سعودي،قطر،امارات،اردن وغيره کي اهڙي قسم جي نقشن کان آجو ڪيو ويو هئو

ڪجهه ئي سالن ۾ اهو سڀ ڪجهه گهڻي حد تائين حاصل ڪري ورتو جيڪو هن چاهيو پئي، لبنان جي اسرائيل هٿان تباهي، ليبيا جي گهرو ويڙهه ۽ شام ۽ عراق ۾ فرقه واريت جي باهه ذريعي بربادي ،تيونس ۽ مصر ۾ عوامي انقلابن جي نالي تي ناامني پيدا ڪرڻ ۽ يمن ۾ هڪ پاسي اڳواٽ موجود  گهرو ويڙهه هوا ڏني وئي ته ٻئي پاسي القاعده تي حملن بهاني امريڪي پير يمن جي سرزمين تي پوڻ سان فرقيوايت کي به هوا ڏني وئي .

انهن سڀني ڪمن جو نتيجو اهو نڪتو جو 10 کان 15 سالن جي هن مختصر عرصي ۾ علائقي ۾ ڪوبه طاقتور ملڪ يا فوج اهڙي  باقي ناهي رهي جيڪا اسرائيل ۽ امريڪي مفادن لاءِ خطرو ثابت ٿئي ،ڇاڪاڻ ته اهي سبب پنهنجي پنهنجي مسئلن ۾ منجهيل آهن

ان پوري کي نقشي کي عملي ڄامو پهرائڻ ۾ سعودي عرب جو ڪردار انتهائي مهم رهيو آهي، تيونس جو علي زين العابدين هجي يا يمن جو عبدالله صالح کين سعودي ۾ ئي پناهه ملي. مصر ۾ ڊڪٽيٽرن جي حمايت هجي يا عراق ۽ شام ۾ وحشي دهشتگردن جي مدد ،اسرائيل جي حمايت هجي يا لبنان جي حزب الله خلاف جنگ هر ميدان ۾ سعودي عرب آمريڪي ۽ اسرائيلي مفادن جي حفاظت ۾ اڳڀرو ئي رهيو آهي.

هاڻي به يمن ۾ ٿيل تازو حملو سعودي عرب نه پر آمريڪا جو ئي آهي جنهن جو مقصد يمن کي تباهه ۽ برباد ڪري گهرو ويڙهه ۾ ڦاسائي کيس ايترو ڪمزو ڪرڻ آهي جو سالن جا سال ڪنڌ کڻڻ جهڙو نه هجي ۽ نه ئي وري ڪنهن ٻئي پاسي ڏسي سگهي.

ليڪن هن دفعي جيڪا فاش غلطي سعودي عرب ڪري ويٺو آهي اها آهي سڌو سئون جنگ جو آغاز،ڇاڪاڻ ته آمريڪا جي اها عادت رهي  آهي ته هو ٻين ملڪن کي جنگ ۾ ڦاسائي پاڻ پري ٿي بيهندو آهي. جنهن جو تجربو پاڪستان کي افغانستان ۽ ترڪيءَ کي شام،يوڪرين کي روس سان ويڙهائڻ کان پوءِ ڪري چڪو آهي.

جيتوڻيڪ هن جي آغاز ڪرڻ ۾سعودي عرب سان آمريڪا گڏ آهي ۽ ٻيا ملڪ به کيس دلاسو ڏئي رهيا آهن ته اسان تو سان گڏ وڙهڻ لاءِ تيار آهيون ليڪن وقت ان ڳالهه کي چڱيءَ طرح سامهون آڻيندو ته،سعودي به پاڪستان وانگر ان جنگ ۾ اڪيلو رهجي ويندو ۽ ٻيا ملڪ فقط ڳالهين جي حد تائين يا وڌ ۾ وڌ هوائي حملن تائين ئي محدود رهندا ،جڏهن ته ميداني جنگ ۾ يا هرگز پنهنجي فوج نه لاهيندا ۽ يا ان جو تعداد تمام گهٽ هوندو،تنهن ڪري سعودي عرب کي اها جنگ پنهنجي سر وڙهڻي پوندي ،جڏهن ته حوثين جي مقابلي ۾ اهڙي جنگ ۾ سعودي عرب جي فوج کي ڪو خاص تجربو ناهي.

ٻئي اهم ڳالهه اها به آهي ته جيڪڏهن حوثين ان جنگ  کي سعودي سرحدن جي اندر ڇڪيو ته ڇا سعودي عرب لاءِ پنهنجي سرحدن جو دفاع۽ شهرين جي حفاظت ممڪن رهندي ؟

هڪ مزي جي ڳالهه اها به آهي ته ان جنگ جا سڀ خرچ سعوديءَ کي ئي ڀرڻا پوندا ۽ شايد پيسن کان سواءِ امريڪي کين هڪ گولي ڏيڻ لاءِ به تيار نه ٿين ۽ ٻيا ملڪ به کيس سکڻي سنگت ۾ هڪ فوجي به نه ڏيندا. تنهن ڪري جيڪڏهن هيءَ جنگ هڪ مهيني کان مٿي چڙهي ته ان جنگ جا خرچ اربين کربين ڊالرن کان به مٿي هوندا ؟ ڇا سعودي اقتصادي قوت تيل جي هنن ڪريل قيمتن سان اهڙي قسم جو نقصان برداشت ڪري سگهندي؟ اهو به هڪ اهڙي جنگ لاءِ جنهن ۾ کيس ٽڪي جو به فائدو نه آهي؟  جڏهن ته اها امريڪي ۽ اسرائيلي مفادن جي جنگ آهي!

هن جنگ جا نتيجا ڇا نڪرندا ۽ ان جا وچ اوڀر ۽ دنيا مٿان ڪهڙا اثر ظاهر ٿيندا؟ ان جو جواب وقت ڏيندو ليڪن اهو يقين سان چئي سگهجي ٿو ته اهي اثر سعودي عرب جي فائدي ۾ هرگز نه هوندا! 

ramzan2018رمضان المبارڪ 1439 بمطابق 2018 جي سحر و افطار جو ٽائيم ٽيبل پيش خدمت آهي اميد ته قبول پوندو        
20
rroza-falsafaرمضان المبارڪ جي مناسبت سان روزي جي اهميت ۽ فلسفي بابت لکيل هڪ بهترين ڪتاب جنهن جو اردو زبان ۾ ترجمو ڪيو ويو آهي .اٺاويهه صفحن تي مشتمل هن ڪتاب ۾ روزي جي قرآن ۽ سنت جي نظر ۾ اهميت ،روزي جي واجب ٿيڻ جي فلسفي تي نگاهه وڌي وئي آهي. اميد ته هيءُ ڪتاب اوهان...
17090
hadia-saeminتحفه صائم يا هدية الصائمين، رمضان المبارڪ جي مناسبت سان روزائتن جي لاءِ تمام بهترين تحفو آهي حجت الاسلام صفدر حسين يعقوبي جولکيل هڪ بهترين ڪتاب، جيڪو اردو زبان ۾ رمضان المبارڪ جي اعمال۽ مختلف مناسبتن بابت بهترين ڪتاب آهي .ستر صفحن تي مشتمل هن ڪتاب ۾...
25460
ramzan-rozaرمضان المبارڪ الله پاڪ جو مهينو آهي ۽ هي مهينو سڀني مهينن کان افضل آهي ،هي اهو مهينو آهي جنهن ۾ جنت ۽ رحمت جا دروازا کلي ويندا آهن ۽ جھنم جا دروازا بند ڪيا ويندا آهن ، هن مهيني ۾ هڪ رات اهڙي به آهي جيڪا هزار مهينن جي عبادت کان بهتر آهي. اسلامي مهينا...
25810
falsafe-rozeحضرت آيت الله ناصر مڪارم شيرازي روزي جا مختلف پهلو آهن جيڪي انسان اندر مادي ۽ روحاني لحاظ کان پڻ تمام گهڻا اثر رکن ٿا، جن مان سڀ کان اهم “اخلاقي پهلو” ۽ “تربيتي فلسفو” آهي. روزي جي سڀ کان وڏو فائدو هي آهي ته روزي جي ذريعي انسان جو روح “پاڪ” ۽ سندس “...
11730
سبق-ايڪٽيهون-روزوروزي جي تعريف:       اسلام جي واجبات ۽ انسان جي پاڻ سڌار(خودسازي) سالانه پروگرام مان هڪ روزو آهي، فجر جي آذان کان وٺي سانجھيءَ تائين خدا جي حڪم کي انجام ڏيڻ ۽ ڪجهه شين ( جن جي وضاحت اڳتي ايندي) کان پاسو ڪرڻ جو نالو روزو آهي روزي جي احڪامن کان آگاه ٿيڻ...
27500
سبق-ٽيٽيهون-روزي-کي-ٽوڙڻ-واريون-شيون-2    6.فجر جي آذان تائين جنابت جي حالت ۾ رهڻ جيڪڏهن ڪو شخص فجر جي آذان تائين جنابت جي حالت ۾ باقي رهي ۽ غسل نه ڪري، يا جيڪڏهن ان جي ذمي تيمم هجي ۽ هو تيمم نه ڪري ته ڪجهه صورتن ۾ ان جو روزو باطل ٿي ويندو. ان سلسلي جا ڪجھ مسئلا هيٺ بيان ڪجن ٿا.   1....
16080