Get Adobe Flash player

رسالت ۽ نبوت جي دامن ۾ پليل ،عصمت ۽ طهارت جي اعلى مثال مدافع امامت حوريه انسيه بتول و عذراء صديقه ڪبرى بنت رسول زوجه مرتضى حضرت فاطمه زهرا سلام الله عليها جي پردرد ۽ مظلومانه شهادت تي حضرت امام زمانه عج سان گڏ تمام غيرت مند مسلمانن ۽ سندن محبن جي خدمت ۾ تسليت پيش ڪريون ٿا 

            ڪجهه ڏينهن اڳ شام جي گاديءَ واري هنڌ دمشق جي زينبيه واري علائقي ۾ رسول الله صلى الله عليه وآله جي نواسي حضرت  علي ۽ بتول عليهما السلام جي نياڻي امام حسين عليه السلام جي ڀيڻ حادثه ڪربلا جي عيني شاهد فاتحه شام حضرت بيبي زينب سلام الله عليها جي روضي تي  ڪجهه دهشتگردن

پاران راڪيٽ لانچرن سان حملو ڪيو ويو جنهن سان روضي جي ٻاهرين حفاظتي ديوار کي ٻن پاسن کان نقصان پهتو جنهن جي نتيجي ۾ ڪجهه ماڻهن جي زخمي ٿيڻ سان هڪ ڄڻو شهيد ٿي ويو . بيبي صاحبه جي روضي تي  ٿيل اهو حملو ، پهريون حملو نه آهي ان کان پهريان به  ٻٽي ڀير ا حملا ٿي چڪا آهن . سوال اهو آهي ته آخر بيبي زينب (س) جي روضي تي اهي حملا ڇو ڪيا پيا وڃن ؟ ۽ انهن جي پويان ڪنهن جو هٿ آهي.؟

        ان سوال جو جواب اسان کي عالمي حالات ۽ خاص ڪري وچ اوڀر ۾ هلندڙ عالمي طاقتن جي راند ۾ ڏسڻ گهرجي . اها ته سڀني کي خبر آهي ته گذريل ٻن سالن کان شام ۾ خانه جنگي هلي رهي آهي جنهن جي شروعات عرب دنيا ۾ شروع ڪيل آمريڪا ۽ ان جي حوارين پاران ”عرب بهار“ يا عرب اسپرنگ نالي مهم سان ٿي. جنهن ذريعي عرب دنيا جي ڪيترن ئي وڏين وڏين حڪومتن کي ختم ڪيو ويو، مصر جو حسني مبارڪ هجي يا ليبيا جو ڪرنل قذافي، تيونس جو علي زين العابدين هجي يا يمن جو عبدالله صالح سڀئي استعماري قوتن جي ان سازش جو شڪار ٿيا جيڪا آمريڪا انهن لاءِ سٽي هئي ،جنهن جو هدف وچ اوڀر جي ملڪن ۾ آمريڪا مخالف قوتن کي ڪچلڻ سان گڏ پراڻن کلاڙين کي مٽائي ان جي جاءِ تي پنهنجي پسند جا نوان چهرا رکڻ هئو.

     جيڪڏهن ائين چئجي ته ان سازش جو اصل هدف پوري  مشرق وسطي جي  علائقي ۾ اسرائيل جي مقابلي ۾ ايندڙ هر قسم جي عربي ۽ غير عرب طاقت کي ختم ڪرڻ هئو ته شايد غلط نه هوندو  ته جيئن اسرائيل کي وچ اوڀر  جي مضبوط ترين ملڪ طور سامهون آندو وڃي ،جنهن کي ڪو خطرو نه هجي، عرب دنيا جي طاقتورترين فوج  رکندڙ ملڪن ۾  عراق کان علاوهه مصر ۽ شام ئي آهن جن وٽ هڪ مضبوط فوج آهي ، جڏهن ته ٻيا ملڪ يا ته آمريڪا جا پٺو آهن يا ان اڳيان ڪجهه ڪرڻ جي سڪت نه ٿا رکن.

      عراق جي تباهيءَ کانپوءِ مصر کي به هڪ اهڙي اندروني ويڙهه جو شڪار ڪيو ويو آهي جو اتان جي فوج کي اها جرائت نه پئي ٿي جو هو اسرائيل ۽ آمريڪا جي اجازت کانسواءِ رڳو غزه جي فلسطيني عوام کي زندگيءَ جو بنيادي سهولتون فراهم ڪرڻ لاءِ رفح جي سرحد کولي سگهي، اخوان المسلمين ۽ مصر جي سيڪيولر قوتن کي مصر مٿان حڪومت جي اهڙي چٽاڀيٽيءَ ۾ ملوث ڪيو ويو آهي جنهن مان کين ٻاهر نڪرڻ ۽ ٻئي اسلامي دنيا بابت سوچڻ لاءِ شايد سالن کان پوءِ به فرصت نه ملي.

    اهو ساڳيو ئي نقشو شام به استعمال ڪرڻ جي ڪوشش ڪئي وئي ليڪن  بشار الاسد جي وفادار فوج سندس ساٿ ڇڏڻ کان انڪار ڪيو ۽ اتان جي مخالف ڌرين ۾ به اها طاقت نه هئي جو هو سياسي يا ميداني سطح تي بشار الاسد کي شڪست ڏئي سگهن . آمريڪا شام ۾ ڪجهه هفتن اندر حڪومت جي تبديليءَ جو پروگرام کڻي آيو هئو ليڪن پنهنجي پهرئين نقشي ۾ ناڪام ٿيڻ کانپوءِ عراق ۽ افغانستان وانگر ٻاهرين جنگ مسلط ڪرڻ جو ٻيو نقشو کڻي اقوام متحده ويو ليڪن اتي به هو ناڪام ٿيو جنهن جو وڏو سبب اهو آهي ته شام، شروع کان ئي عراق ۽ افغانستان جي برعڪس روسي بلاڪ سان وابسته آهي . ۽ هن وقت به شام جي مشهور بندرگاهه طرطوس روسي فوج جي هٿن ۾ آهي . روس جي مجبوري اها آهي ته جيڪڏهن روس شام کي ڇڏي ڏئي ته پوءِ کيس پوري وچ اوڀر تان هٿ ڌوئڻا پوندا ۽ تيل سان مالا مال هن خطي تي فقط آمريڪا جو ئي انحصار هوندو . اهوئي سبب آهي جو روس نه فقط اقوام متحده جي سلامتي ڪونسل ۾ شام مٿان جنگ جي مخالفت ڪئي بلڪه اها به ڌمڪي ڏني ته شام تي اهڙي حملي جي صورت ۾ روس به ان ۾ لهي پوندو جنهن نتيجو ٽئين عالمي جنگ کان سواءِ ڪجهه نه هوندو.

   اتي آمريڪا کي پراڻن دوستن جي ياد آئي ۽ هن ترڪيءَ سميت ڪجهه عرب ملڪن جي ذريعي شام ۾ اهو ساڳيو ئي نقشو استعمال ڪرڻ جو فيصلو ڪيو جيڪو اسيءَ واري ڏهاڪي ۾ افغانستان ۾ روس خلاف استعمال ڪيو ويو هئو. يعني مفادن جي جنگ کي مذهب جي نالي تي شروع ڪيو وڃي جنهن ذريعي نام نهاد جهاد جي نالي تي پوري دنيا ۾ شدت پسند گروپن کي پاڪستان ۾ آڻي کين مالي مدد سان گڏ فني تربيت ڏئي افغان جهاد تي روانو ڪيو ويو هئو ۽ روس جهڙي عالمي طاقت کي افغانستان جي سرزمين تان تڏا ويڙهڻا پئجي ويا هئا.

       هاڻي پاڪستان وارو ڪردار ترڪي ۽ اردن ادا ڪري رهيا آهن. جڏهن ته پاڪستان سميت پوري دنيا مان القاعده ڪارڪنن ۽ ٻين مذهبي شدت پسند تنظيمن جي دهشتگردن کي شام روانو ڪيو ويو آهي . کين هر قسم جي مالي ۽ فني مدد فراهم ڪئي پئي وڃي ،جيڪي اسلام جي نالي پنهنجي ئي مسلمان ڀائرن خلاف جهاد ۾ مشغول آهن بيگناهن جو خون وهائي رهيا آهن ۽ اسلام جي نالي تي پنهنجي هر شيعه توڙي سني مخالف کي قتل ڪري رهيا آهن ته جيئن آمريڪا ۽ مغربي طاقتن جا مفاد محفوظ رهي سگهن .

ان ويڙهه کي مذهبي رنگ ڏيڻ خاطر   شيعه سني ويڙهه جو نالو ڏنو پيو وڃي ڇاڪاڻ ته ايران ۽ لبنان جي شيعه تنظيم حزب الله جيڪي آمريڪا ۽ اسرائيل جا دشمن آهن شروع کان ئي شام جي حمايت پيا ڪن. جڏهن ته دنيا جا اڪثر ماڻهون ان حقيقت کان غافل آهن ته شام هڪ سني ملڪ آهي ۽ جن جي اڪثريت فقط ان ڪري بشار الاسد سان گڏ آهي جو هو نه ٿا چاهن ته سندن ملڪ ۾ مذهب جي نالي تي ماڻهن جو قتل عام ٿئي يا ملڪ جو امن ۽ سڪون تباهه ٿئي شام ۾ نه فقط شيعا سني بلڪه عيسائين جو به وڏو تعداد آهي جيڪي سالن کان اتي امن ۽ سڪون سان رهيا آهن،

        هاڻي جڏهن شام ۽ عالمي حالات کي سمجهي چڪاسين ته ان سوال جو جواب به آسانيءَ سان ملي وڃي ٿو ته بيبي زينب سلام الله عليها جي روضي ته حملا ڇو ٿي رهيا آهن؟ فقط ان ڪري ته جيئن شام ۾ مذهبي فرقه واريت جي باهه کي وڌيڪ ڀڙڪايو وڃي . ۽ شيعه سني مذهبي اختلاف جي بنياد تي ، نه فقط شام جا ماڻهو ن بلڪه پوري دنيا مان مختلف طبقن ۽ فرقن جا ماڻهون ان جنگ ۾ لهي پون جنهن جي نتيجي ۾، شام ۾ اها تباهي اچي جو نه فقط بشار الاسد جي حڪومت ختم ٿي وڃي بلڪه ايندڙ ڪيترن سالن تائين گهرو ويڙهه سبب اتان جي ماڻهن کي سڪون نصيب نه ٿئي.

           عرب تجزيه نگارن مطابق ڪجهه ڏينهن اڳ ٿيل آخري حملو ان ڪري به وڌيڪ اهميت جو حامل آهي جو ان کي اهڙي وقت انجام ڏنو ويو آهي جڏهن حڪومت خلاف برسرپيڪار دهشتگردن کي مسلسل شڪست ٿي رهي آهي ۽ سندن هٿان لبنان جي سرحد تي واقع اهم دفاعي شهر القصير جي نڪرڻ کانپوءِ، تلڪلخ ، لازقيه ، قابون سميت هاڻي ترڪيءَ واري سرحد جي ويجهو واقع اهم شهر حلب به نڪري رهيو آهي جنهن کي مخالفن جو مکيه ڳڙهه شمار ڪيو وڃي ٿو .

      ياد رهي ته القصير ۾مخالفن کي شڪست ملڻ ۾ شامي فوج کان علاوهه لبنان جي شيعه تنظيم حزب الله جو به وڏو ڪردار هئو. جنهن تي عالمي ميڊيا سان گڏ عرب ميڊيا ۾ تمام گهڻو کنيو ويو هئو ۽ پروپيگنڊا ڪئي وئي هئي ته شامي فوج، شيعه تنظيم سان گڏ مظلوم سني عوام کي ماري رهي آهي ليڪن حقيقت اها آهي ته حزب الله پنهنجي بقا جي جنگ وڙهي رهي آهي ڇاڪاڻ ته شام عرب دنيا جو اهو واحد ملڪ آهي جنهن حزب الله جي اسرائيل خلاف جنگين ۾ مدد ڪئي بلڪه تربيت کانسواءِ کين لاجيسٽڪ سپورٽ به ڪئي هئي. هاڻي جيڪڏهن اتي به اسرائيل ۽ آمريڪا جي چاپلوس حڪومت اچي وڃي ٿي يا اتي طويل عرصي تائين خانه جنگي هلي ٿي ته ان سان خطي ۾ موجود سندس واحد حامي به هليو ويندو.

حضرت-علي-ع-جي-روضي-۾-صحن-زهرا-س حضرت مولا علي عليه السلام جي روضي ۾ هڪ نئين صحن ۽ شبستان جو اضافو ٿيون آهي جيڪو انتهائي بهترين ۽ شاندار هجڻ سان گڏ اسلامي معماريءَ جو اعلى نمونو به آهي . هن شبستان جي ٺهڻ سان مومنن کي مولا جي روضي ۾ وڌيڪ سهولت ٿيندي ۽ گرمين ۽ سردين ۾ بهترين مسڪن...
660
ya-zainbحضرت زينب ڪبرى سلام الله عليها جي ولادت باسعادت جي موقعي تي سندن روضي مبارڪ جون ڪجهه نيون تصويرون شيئرڪري رهيا آهيون اميد ته پسند اينديون ۽ ڌڻيءَ در اها دعا گهرون ٿا ته ان پاڪ بيبيءَ صدقي ان جي روضي مٿان موجود سڀ خطرا ختم ٿين ، دشمن نابود ٿين ته جئين...
590
maarif-islami-quez2معارف اسلامي ڪوئز جي نالي سان اسلامي معلومات تي مشتمل سوال جوابن تي  هي ڪوئز مختلف  اسلامي موضوعن ۽ مرحلن تي شامل آهي جنهن کي اسان مرحلي وار پيش ڪندا رهندا سين .اميد ته اوهان کي شيعه دوست ڊاٽ ڪام جي هيءَ ڪاوش پسند ايندي ان سلسلي جي پهرئين ڪڙي معرفت...
570
معارف-اسلامي-ڪوئز-معرفت-ائمه-ع-1معارف اسلامي ڪوئز جي نالي سان اسلامي معلومات تي مشتمل سوال جوابن تي  هي ڪوئز مختلف  اسلامي موضوعن ۽ مرحلن تي شامل آهي جنهن کي اسان مرحلي وار پيش ڪندا رهندا سين .اميد ته اوهان کي شيعه دوست ڊاٽ ڪام جي هيءَ ڪاوش پسند ايندي ان سلسلي جي پهرئين ڪڙي معرفت...
620
akhlaq         الله سائينءَ جي پسنديدہ دين اسلام جي تبليغ ۽ ترويج ۾ پيغمبر اسلام محمد مصطفى صلى الله عليه وآله وسلم جن ڪيترو ڪامياب ويا پوري دنيا ان جي بهترين شاهد آهي جو اڄ سندن زبان مبارڪ تان جاري ٿيل لاالہ الله جي صدا محمد رسول الله جي صدا سان گڏ دنيا جي...
103870
rasol-sadiqانسانيت جي تاريخ ۾ اهڙا انسان تمام گهٽ پاتا وڃن ٿا جن جي زندگيءَ جون خاصيتون پيغمبر اڪرم ﷺجي زندگي جيانچٽيون ۽ واضح بيان ٿيل هجن.خداوند متعال قرآن شريف ۾ جنهن تمام سهڻن جملن۽ تمام ڀلي بيان سان پاڻ سڳورن جي سڃاڻپ ڪرائي آهي ۽سندن تمام اعلى گڻبيان ڪيا اٿس....
29170
musstafa-141_چاليهه حديثون ياد ڪرڻ جو اجر.         مَنْ حَفِظَ مِنْ أُمَّتِي أَرْبَعِينَ حَدِيثاً مِمَّا يَحْتَاجُونَ إِلَيْهِ مِنْ أَمْرِ دِينِهِمْ بَعَثَهُ اللَّهُ يَوْمَ الْقِيَامَةِ فَقِيهاً عَالِما.[1] منهنجي امت منجهان جيڪو به اهڙيون چاليهه حديثون ياد ڪري...
15290
پاڪ-رسول-ص-بياباني-عرب-سان-سهڻو-سلوڪ   هڪ ڏينهن هڪ  بياباني عرب  مديني ۾ آيو ۽ رسول خدا (صلى الله عليه وآله) کان ڪجھ مدد وٺڻ لاءِ سڌو مسجد نبويءَ ۾ داخل ٿيو جتي رسول خدا ص پنهنجي اصحابن ۽ ساٿين سان ويٺآ هئا، هن شخص  رسول خدا ص کان حاجت طلب ڪئي ته پيغبر ص کيس ڪجهه ڏنو ليڪن هو انهي تي راضي...
5870
فقط-حضرت-علي-ع-ئي-رسول-الله-ص-جو-وصيءُ-۽-جانشين-ڇو-آهن؟اسان پهريان به عرض ڪري چڪا آهيون ته شيعن جو راسخ عقيدو آهي ته خلافت وارو منصب ۽ عهدو، الله سائين عطا ڪندو آهي. اهڙي ريت سندن اهو به عقيدو آهي ته پاڻ سڳورن صلى الله عليه و آله وسلم کان پوءِ شروع ٿيندڙ امامت، ڪجهه لحاظن کان نبوت وانگر آهي، جهڙي ريت...
12180