Get Adobe Flash player

آذان ۽ اقامت جو ترجمو

"الله اكبر" خدا سڀ کان وڏو آهي.

"اشهد ان لا اله الا الله" مان شاهدي ڏيان ٿو ته الله کان سواءِ ڪو خدا نه آهي.

"اشهد ان محمدا رسول الله" مان شاهدي ڏيان ٿو ته محمد ﷺ خدا جو رسول آهي.

"اشهد ان عليا امير المؤمنين ولى الله" مان شاهدي ڏيان ٿو ته علي عليه السلام مومنن جو امير ۽ الله جو ولي آهي.

"حى على الصلاه" ڊوڙي اچو نماز ڏانهن

"حى على الفلاح" ڊوڙي اچو ڪاميابي ڏانهن

"حى على خيرالعمل" ڊوڙي اچو بهترين ڪم ڏانهن.

"قد قامت الصلاه" نماز قائم ٿي وئي.

"الله اكبر" خدا سڀ کان وڏو آهي.

"لا اله الا الله" الله کانسواءِ ڪو خدا ڪونهي.

نماز جو ترجمو:

تڪبيرة الاحرام: "الله اكبر" خدا سڀني کان وڏو آهي.

الحمد:

بسم الله الرحمن الرحيم : خدا رحمن ۽ رحيم جي نالي شروع

الحمد لله رب العالمين : سڀ تعريفون الله لاءِ جيڪو ٻنهي جهانن جو پالڻهار آهي.

الرحمن الرحيم : تمام وڏو مهربان ۽ نهايت رحم وارو

مالڪ يوم الدين : قيامت واري ڏينهن جو مالڪ آهي.

ايّاڪ نعبد وايّاڪ نستعين : پالڻهار! اسان تنهنجي ئي عبادت ڪريون ٿا ۽ تو کان ئي مدد گهرون ٿا.

اهدناالصراط المستقيم،صراط الذين انعمت عليهم : اسان کي سڌي رستي جي هدايت فرمائيندو رهه ، جيڪو رستو انهن جو آهي جن تي تون نعمتون نازل فرمايون آهن.

غيرالمغضوب عليهم والضالين : انهن جو رستو نه جن تي تنهنجو غضب نازل ٿيل آهي۽ اهي ڀٽڪيل آهن.

سورت :

بسم الله الرحمن الرحيم : خدا رحمن ۽ رحيم جي نالي شروع

قل هو الله احد : (اي رسول) چئي ڏي ته خدا هڪ آهي.

الله الصمد: خدا بر حق ۽ بي نياز آهي.

لم يلد ولم يولد: نه ڄائو آهي نه ڄڻيو اٿائين.

ولم يکن له کفواً احدا : نه ئي سندس ڪو مٽ آهي.

رڪوع جو ذڪر:

سبحان ربي العظيم وبحمده : پنهنجي عظيم پالڻهار جي تعريف ڪريان ٿو جيڪو (هر عيب کان) پاڪ آهي.

سجدي جو ذڪر:

سبحان ربي الاعلى وبحمده : پنهنجي پالڻهار(جيڪو سڀ کان بلند ۽ باعظمت آهي) جي تعريف ڪريان ٿو جيڪو (هر عيب کان) پاڪ آهي.

تسبيحات اربعه :

سبحان الله والحمد لله ولا اله الا الله والله اڪبر: خدا تعالى (هر عيب کان) پاڪ ۽ منزه آهي، سڀ ثنائون خدا سان مخصوص آهن، پروردگار عالم کانسواءِ ٻيو ڪو خدا نه آهي، ۽ الله سائين سڀ کان وڏو آهي.

تشهد:

اشهد ان لا اله الا الله وحده لا شريڪ له : مان شاهدي ڏيان ٿو ته الله کان سواءِ ٻيو ڪو خدا نه آهي، هو اڪيلو آهي ۽ سندس ڪو شريڪ نه آهي.

واشهد ان محمد عبده ورسوله : ۽ شاهدي ڏيان ٿو ته محمدﷺ خدا جو بندو ۽ ان جو موڪليل (رسول) آهي.

اللهم صل على محمد وآل محمد. پالڻهار ! محمد ۽ ان جي خاندان تي رحمتون نازل فرماءَ.

سلام:

السلام عليڪ ايها النبي ورحمة الله وبرڪاته : اي رسول خدا توهان تي سلام ۽ خدا تعالى جون رحمتون ۽ برڪتون هجن.

السلام علينا وعلى عبادالله الصالحين : درود ۽ سلام هجن اسان (نمازين) تي ۽ خدا جي نيڪ ٻانهن تي.

السلام عليڪم ورحمة الله وبرڪاته : سلام ۽ خدا جي رحمت ۽ برڪتون توهان تي هجن.

(؟) هيٺين سوالن ......................جا جواب ڏيو؟

1_ان جملي جو ترجمو ڪريو جيڪو اقامت ۾ موجود آهي پر آذان ۾ نه آهي؟

2_تسبيحات اربعه جو ترجمو ڪريو؟

3_سبق ۾ ذڪر ٿيل سورت کان علاوه قرآن مجيد مان ڪنهن ٻي ننڍي سورت جو ترجمو ڪريو؟

4_نماز جي پهرين ۽ آخري جملي جو ترجمو ڇا آهي؟

5_تڪراري جملن کي هٽائڻ بعد نماز جي ڪل جملن جي تعداد (آذان ۽ اقامت کانسواءِ) ڪيتري آهي؟