Get Adobe Flash player

1_پاڻ سڳورن (ص) ۽ علي (ع) جي اطاعت جو اجر.

مَنْ عَرَفَ حَقَّ أَبَوَيْهِ الْأَفْضَلَيْنِ مُحَمَّدٍ وَ عَلِيٍّ وَ أَطَاعَهُمَا حَقَّ طَاعَتِهِ قِيلَ لَهُ تَبَحْبَحْ فِي أَيِّ الْجِنَانِ شِئْت.

جيڪو انسان پنهنجي ٻن وڏي فضيلت واري پيئرن جي حق کي سڃاڻي وٺي ۽ حقيقي معني ۾ انهن جي اطاعت ڪري ته  کيس چيو ويندو ته جنت ۾ جتي تنهنجي دل چاهي وڃي رهه.

2_سلام جي لاءِ ستر نيڪيون آهن.

لِلسَّلَامِ سَبْعُونَ حَسَنَةً تِسْعٌ وَ سِتُّونَ لِلْمُبْتَدِئِ وَ وَاحِدَةٌ لِلرَّاد.

سلام لاءِ ستر ثواب آهن، (جن منجهان) اوڻهتر ثواب سلام ڪرڻ واري کي ملن ٿا ۽ هڪ ثواب سلام جو جواب ڏيڻ واري کي ملي ٿو.

3_خدا جي نافرماني جو اثر.

مَنْ حَاوَلَ أَمْراً بِمَعْصِيَةِ اللَّهِ كَانَ أَفْوَتَ لِمَا يَرْجُو وَ أَسْرَعَ لِمَا يَحْذَر.

جيڪو شخص چاهي ٿو ته خدا جي نافرماني ڪندي ڪنهن ڪم کي انجام ڏئي ته جنهن شئ جي کيس اميد هوندي آهي اها جلد ان جي هٿن مان هلي ويندي آہي ۽ جنهن شئ کان ڊڄي ٿو جلد ئي ان ۾ گرفتار ٿي ويندو آهي.

4_مومن ۽ منافق جي درميان فرق.

إِيَّاكَ وَ مَا تَعْتَذِرُ مِنْهُ فَإِنَّ الْمُؤْمِنَ لَا يُسِي‏ءُ وَ لَا يَعْتَذِرُ وَ الْمُنَافِقُ كُلَّ يَوْمٍ يُسِي‏ءُ وَ يَعْتَذِر.

اهڙي ڪم کان پرهيز ڪر جنهن جي انجام ڏيڻ کان پوءِ توکي معافي وٺڻي پوي، ڇاڪاڻ ته مومن نه بدي ڪندو آهي، نه ئي کيس معافي نه وٺڻي پوندي آهي،پرمنافق روزانو بدي به ڪري ٿو۽ معافي به وٺي ٿو۔

5_سلام جي اهميت.

قَالَ لَهُ رَجُلٌ ابْتِدَاءً كَيْفَ أَنْتَ عَافَاكَ اللَّهُ فَقَالَ ع لَهُ السَّلَامُ قَبْلَ الْكَلَامِ عَافَاكَ اللَّهُ ثُمَّ قَالَ ع لَا تَأْذَنُوالِأَحَدٍ حَتَّى يُسَلِّم.

هڪ شخص امام حسين (ع) جي خدمت ‏‏۾ آيو ۽ (سلام ڪرڻ کان پهرين ڳالهائڻ شروع ڪري ڏنائين ۽) چوڻ لڳو ته: خدا توهان کي سلامتي ڏئي ، توهان جا ڪهڙا حال آهن؟ ، امام (ع) فرمايو: توکي به خدا عافيت ڏئي پهرين سلام ڪر۽ پوءِ ڳالهاءِ، پوءِ امام (ع) فرمايو: جيسيتائين ڪو ماڻهو سلام نه ڪري تيستائين کيس (پنهنجي گهر يا محفلن ۾) داخل ٿيڻ جي اجازت نه ڏيو.

6_ جهنم جي ڪُتن جوخوراڪ.

قَالَ ع لِرَجُلٍ اغْتَابَ عِنْدَهُ رَجُلًا يَا هَذَا كُفَّ عَنِ الْغِيبَةِ فَإِنَّهَا إِدَامُ كِلَابِ النَّار.

هڪ شخص امام حسين (ع) جن جي آڏو ويهي ڪنهن ٻئي ماڻهو جي غِيبت (گلا) ڪري رهيو هو ته پاڻ کيس فرمايائون: اي فلاڻا ! غِيبت کان پرهيز ڪر ڇاڪاڻ ته غيبت جهنم جي ڪتن جي خوراڪ آهي.

7_سڀني کان وڌيڪ ڪمزور

اَعجَزالنّاسٍ مَن عَجَزَ عَنِ الدُّعاء 

ماڻهن ۾ سڀني کان وڌيڪ ڪمزور اهو آهي جيڪودعا به گهري نه سگهي

8_عبادت جا قسم.

إِنَّ قَوْماً عَبَدُوا اللَّهَ رَغْبَةً فَتِلْكَ عِبَادَةُ التُّجَّارِ وَ إِنَّ قَوْماً عَبَدُوا اللَّهَ رَهْبَةً فَتِلْكَ عِبَادَةُ الْعَبِيدِ وَ إِنَّقَوْماً عَبَدُوا اللَّهَ شُكْراً فَتِلْكَ عِبَادَةُ الْأَحْرَارِ وَ هِيَ أَفْضَلُ الْعِبَادَة.

ڪجهه ماڻهو جنت جي شوق ۾خدا جي عبادت ڪندا آهن ۽ اها تاجرن واري عبادت آهي، ڪجهه ماڻهوجهنم جي خوف کان خدا جي عبادت ڪندا آهن ۽ اها غلامن واري عبادت آهي ۽ ڪجهه ماڻهو خدا جو شڪر ادا ڪرڻ جي نيت سان عبادت ڪندا آهن ۽ اها آزاد انسانن واري عبادت آهي ۽ اهائي سڀ کان وڌيڪ فضيلت واري عبادت آهي.

9_تقوى جون برڪتون.

أُوصِيكُمْ بِتَقْوَى اللَّهِ فَإِنَّ اللَّهَ قَدْ ضَمِنَ لِمَنِ اتَّقَاهُ أَنْ يُحَوِّلَهُ عَمَّا يَكْرَهُ إِلَى مَا يُحِبُّ “وَ يَرْزُقْهُ مِنْحَيْثُ لا يَحْتَسِب

آئون توهان کي تقوى جي ہدايت ڪريان ٿو ڇاڪاڻ ته خدا ضمانت ڏني آهي ته جيڪو به سندس تقوى اختيار ڪندو ته (پوءِ) جيڪا شئ کيس پسند نه هوندي خدا ان کي اهڙي شيئ ۾ تبديل ڪري ڇڏيندو جيڪا کيس وڻندي هجي، ۽ سندس روزي کي اهڙي جاءِ تان فراهم ڪندو جيڪا ان جي خيال ۽ گمان ۾ به نه هوندي.

10_خدائي امتحان جو هڪ مثال.

الِاسْتِدْرَاجُ مِنَ اللَّهِ سُبْحَانَهُ لِعَبْدِهِ أَنْ يُسْبِغَ عَلَيْهِ النِّعَمَ وَ يَسْلُبَهُ الشُّكْر.

خدا جو پنهنجي بندي کي مهلت ڏيڻ جو مطلب هي آهي ته هو کيس گهڻيون نعمتون ڏيندو آهي ۽ شڪر کي توفيق کي ان کان کسي وٺندو آهي.

11_ڪنجوس ماڻهو جي نشاني

الْبَخِيلُ مَنْ بَخِلَ بِالسَّلَام.

ڪنجوس ماڻهو اهوآهي جيڪو سلام ڪرڻ ۾ به ڪنجوسي ڪري.

12_ هڪ نصيحت.

إِيَّاكَ وَ ظُلْمَ مَنْ لَا يَجِدُ عَلَيْكَ نَاصِراً إِلَّا اللَّهَ جَلَّ وَ عَز.

اهڙي ماڻهو تي ظلم ڪرڻ کان پرهيز ڪر جنهن جو خدا کان سواء ٻيو ڪو به مددگار نه هجي.

 

13_سڀ کان وڏو سخي ماڻهو.

إِنَّ أَجْوَدَ النَّاسِ مَنْ أَعْطَى مَنْ لَا يَرْجُوه

سڀ کان وڏو سخي انسان اهو شخص آهي جيڪو ڪنهن اهڙي ماڻهو کي عطاء ڪري جنهن کان ملڻ جي ڪا به اميد نه هجيس.

14_ڪنهن مومن جي مشڪل حل ڪرڻ جو ثواب.

مَنْ نَفَّسَ كُرْبَةَ مُؤْمِنٍ- فَرَّجَ اللَّهُ عَنْهُ كُرَبَ الدُّنْيَا وَ الْآخِرَة.

جيڪو به شخص ڪنهن مومن جي غم ۽ مصيبت کي دور ڪندو ته خدا ان جا دنيا ۽ آخرت وارا ڏک دور ڪندو